Pliaj artikoloj

Poezia momento

Venteto, kiu karesadis la plaĝon, dum gaja vesperiĝo en 1955, ĉeestis nekutiman scenon. Fakte, la milda vento estis kunpartoprenanto en la fakto, kiu eĉ sen versoj estus aŭtentika poeziaĵo, gravurita en la animo de junulo. Tiuokaze, mi surpaperigis...

Scienco alvenos al Spirito

Spirito estas Scienco. En Jornal de Brasília, je la 20-a de Junio 1991, mi skribis, ke venos tempo, kiam ĉiuj klare konsideros ĝin. Esploristoj jam alvenas tien, kiel ni diris: kion Religio intuicias, tion Scienco iam pruvos en...

La realaĵo de Vivo en aliaj dimensioj

Ni okazigas en la mondo esence gravan taskon por starigo de Socia kaj Daŭripova Elvolviĝo, Edukado kaj Kulturo, Arto kaj Sporto, kun Ekumena Spiriteco, por ke estu Socio-media Konscio, Nutrado, Sekureco, Sano kaj Laboro por ĉiuj ĝiaj partoprenantoj...

Scienco

Einstein, Planck kaj la frekvenco de Spirito

Fonto: Medito de Bona Volo elprenita el intervjuo donita de Paiva Netto al la portugala ĵurnalistino Ana Serra pri lia verko "Meditadoj el la Animo", lanĉita en Portugalujo fare de Eldonejo Pergaminho, en 2008.
Reprodução BV

Albert Einstein

Kiam Albert Einstein (1879-1955) faris revolucion en Fiziko per sia teorio pri relativeco, kiun enhavas la mirinda ekvacio E = mc2, tiam jam neniu povis aludi al maso kaj al energio kiel al malsamaj aferoj, ĉar unu estas la alia en malsama kondiĉo. Same, la patro de la kvantuma fiziko, Max Planck (1858-1947), starigis E = hv, kaj li alportis alian ekvivalentecon inter sciencaj grandoj. Temas do pri afero de frekvenco. Tiel, mutatis mutandis, okazas inter materio kaj Spirito. La homan korpon (mason) oni vidas, tuŝas, flaras, aŭdas kaj tiel oni “konstatas” palpeblan “realaĵon”. Rilate la energion (Spiriton) tio ne okazas. Sed tio ne signifas, ke ĝi, la energio, ne ekzistas, ĉar la efikeco de ĝia agado ĉien disiĝas. Niaj kvin materiaj sentumoj ordinare konataj estas fakte (ankoraŭ) tre nesufiĉaj antaŭ la vera ekzisto (ankoraŭ) nevidebla, kiu ĉirkaŭas nin. Escepto estas tiuj, kiuj havas specialan mediuman sentemecon, la tiel nomatan sesan sentumon ― kiu tute bone povas ne esti la lasta ―, por kapti el la Spirita Mondo tion, kion la ordinara surtera homo ĝis nun ne perceptis.

Nei la Spiriton estas rifuzi la atomon

Reprodução BV

Graça Aranha

Se ni kontestas la vivantan ĉeeston de Spiritoj, tiam ni komencu per neado pri la ekzisto de la atomo, kiu plu estas neperceptebla al seninstrumentaj homaj okuloj, sed ĝi ekzistas. Tio ŝajnas frenezaĵo ligita al pensmaniero inklina al plua agado sub la fiera geoantropocentra penso, eĉ se oni scias, ke la Tero ne estas la centro de la Universo kaj ke la homo estas ia ero de ero de ero en la Kosmo. Graça Aranha (1868-1931), la fama aŭtoro de Kanaano, unu el la fondintoj de la Brazila Akademio de Beletro, malfermis nian menson al la senfina scio, kiam li deklaris, ke “la irado de Scienco similas al nia irado sur ebena dezerto: la horizonto plu kaj plu forestas”.

shutterstock

De la intelekta serĉado al la spirita serĉado

Reprodução BV

Galileu Galilei

Nu, Scienco estas ia konstanta intelekta serĉado. Iam alvenos tago, kiam ĉiuj komprenos, ke ĝia plej alta celo estos la konstanta spirita serĉado. Kiel ni ĉi tie asertis, ekzistas ia Scienco de diaj sferoj trans la homdimensia Scienco. Krome, ekzistas multaj pensuloj kaj akademiuloj, kiuj kuraĝe dediĉas sin al senvualigo de tiaj nomataj “misteroj”. Kaj ili troviĝas ― alfrontante tabuojn subtenatajn de siaj propraj kolegoj ― sur la ĝusta vojo, kiun elstaraj avangardaj sciencistoj iradas dum jarcentoj. Unu ĝenerala ekzemplo, pri kiu tute ne necesas pravigo, estas Galileo Galilei (1564-1642). Pasis jam pli ol 400 jaroj post la unuaj teleskopaj observoj al la ĉielo faritaj de la “avo de fiziko”.

José de Paiva Netto, verkisto, ĵurnalisto, radiokronikisto, komponisto kaj poeto, naskiĝis je la 2-a de Marto 1941, en Rio-de-Ĵanejro/RJ, Brazilo. Li estas direktoro-prezidanto de Legio de Bona Volo (LBV). Efektiva membro de Brazila Asocio de Amaskomunikiloj (ABI) kaj de Brazila Asocio de Internaciaj Amaskomunikiloj (ABI-Inter), li estas ano de Nacia Federacio de Ĵurnalistoj (Fenaj), de International Federation of Journalists (IFJ), de la Sindikato de Profesiaj Ĵurnalistoj en Ŝtato Rio-de-Ĵanejro, de la Sindikato de Verkistoj en Rio-de-Ĵanejro, de la Sindikato de Radiokomunikantoj en Rio-de-Ĵanejro kaj de la Brazila Unuiĝo de Komponistoj (UBC). Li partoprenas ankaŭ en la Akademio de Beletro de Centra Brazilo. Li estas aŭtoro por internacia referenco pri defendado de homaj rajtoj kaj konceptado de la idealo de Ekumenaj Civitaneco kaj Spiriteco, kiuj laŭ li estas “lulilo de plej grandanimaj valoroj, kiuj naskiĝas en la Animo, nome en la loĝejo de emocioj kaj de rezonkapablo prilumita de intuicio, medio, kiu enhavas ĉion, kio transcendas la vulgaran kampon de materio kaj devenas de la homa sublimita sentemo, kiel ekzemple Vero, Justeco, Kompatemo, Etiko, Honesteco, Grandanimeco kaj Frata Amo”. Resume, ĝi estas la matematika konstant-nombro, kiu harmoniigas la ekvacion de vivo spirita, morala, mensa kaj homa. Nu, sen tia scio, ke ni ekzistas en du sferoj, sekve ne nur en la fizika, fariĝas malfacile atingi Socion vere Solidaran, Altruisman, Ekumenan, ĉar ni plu neglektos, ke la scio pri Supera Spiriteco plialtigas la karakteron de la homoj, kaj konsekvence tiu scio kondukas la homojn al la konstruado de Tutplaneda Civitaneco”.