Jesuo kaj Lia Triumfa Venko super la morto
Sankta Semajno! Dato inspiroveka, por ke ni ekzaltu la grandan venkon de Jesuo super la lasta malamiko, kiun la homoj devos venki: la morto. Mi do petas permeson por alporti al vi fragmenton de mia verko Mortintoj ne mortas. Jam en la enkonduko, mi demandis:
Kaj kial mi skribas pri Jesuo kaj Lia Nevidebla Regado tuj en la komenco de ĉi tiu verko? La kialo estas tre simpla: el Li kaj el Liaj universalaj instruoj naskiĝas la inspiro, por ke ni stimulu la fekundan diskuton pri temo same fundamenta kiel fascina.
Precize pro tio, kun granda ĝojo, mi serĉis paĝon, kiun mi verkis en Sankta Maria de Arnoso, Lugar de Lages, Portugalujo, je la 15-a de Aprilo 2001, nome dimanĉo de la Resurekto de Jesuo kaj de Lia Triumfa Venko super la neeblo. Jen la teksto:
Alziro Zarur
Kiam la Dia Majstro venkis la morton, tio estas, la solan fatalon en ĉi tiu mondo, ĉar ĉion alian oni povas materie superi, Liaj Apostoloj kaj Disĉiploj estis kovritaj per ia potenco kaj kuraĝo, kiuj kondukis ilin al diskonigado de la instruoj de la Sublima Resurektinto, ĉien. Mi ne aludas nur al tiu generacio samtempa al la Plejalta Paŝtisto, sed ankaŭ al tiuj, kiuj postsekvis. La Resurekto de la Kristo estas ia mejloŝtono en la Historio de la planedo. Se ni hodiaŭ sidas ĉi tie, alifoje, defendante tion, kion Li predikis, tion ni danku al la klopodado de homamasoj, dise en ĉiuj kampoj de la homa-spirita scio, apartenantaj al multaj vojoj de penso. Ĉi tiuj lumaj homoj, tra la jarmiloj, ne permesis, ke falu en forgeson la memorindaj lecionoj pri humaneco kaj pri Ekumena Spiritualeco, kiujn Li travivis. Kaj tiujn lecionojn ili atestis laŭ la plej diversaj manieiroj, ĉu ili konsciis pri tio aŭ ne.
Alziro Zarur (1914-1979), karmemora fondinto de Legio de Bona Volo kaj proklaminto de la Religio de Dio, de la Kristo kaj de la Sankta Spirito, en siaj famaj prelegoj, elstarigis: “Se Jesuo ne resurektus, ne estus Kristanismo”.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.