Adopto kongruas kun koro

La sankta kapablo por patrineco, kiun oni bele esprimas ankaŭ per la ago adopti filon, devas inkluzivi amon kaj estimon egale, inklude.

Reprodução BVTV

Tiun gravan temon oni diskutis en TV Bona Volo, en la programo Solidara Socio. Tiuokaze, la prezentanto kaj bakalaŭro pri Sociaj Sciencoj Daniel Guimarães intervjuis Mônica Natale de Camargo, plenum-administranto de Apog-Grupo por Adopto en San-Paŭlo (Gaasp), en Brazilo.

Ŝanĝo en tendenco

shutterstock

Kalkuloj montras, ke por ĉiu infano en la vico por adoptiĝo ekzistas ses dezirantaj geedzoj aŭ individuoj. Mônica Natale klarigas: “Ni ankoraŭ havas la tendencon al profilo. Kion deziras la plej multaj adoptodezirantoj? Ili ĝenerale deziras malpli grandajn infanojn, bebojn, blankhaŭtan aŭ sam-etnajn. Kaj la disponeblaj infanoj ĝenerale apartenas al grupoj de fratoj kun pli alta aĝo, kaj kelkaj havas specialajn bezonojn. Do, kion oni devas fari? Ŝanĝi tiun tendencon ĉirkaŭ adoptado. La deziranto devas kompreni, kiu estas la reala situacio de nia lando, kaj ekrigardi ameme al tiuj infanoj, ŝanĝi tiun koncepton pri filo ideala al filo ebla”.

For de ni antaŭjuĝo

Alta sento pri homamo devas sidi en la koro de la homoj, kaj ne lasi lokon al antaŭjuĝoj. La administranto de Gaasp montras tion, kion oni povas fari: “Unue, pli vastan diskonigon pri tio, kio estas adopto, komprenon pri tio, kion signifas adopti, kion signifas filo en onia vivo. Tio estas grava! La tendencon en adoptado oni devas ŝanĝi, jes, per TV-programoj kiel ĉi tiu, en kiu oni diskutas, en kiu oni parolas pri tiaj bezonoj.”

Tiu temo efektive meritas pli atentan rigardon, flanke de ĉiuj homoj, ĉu de publikaj strategioj, ĉu de la socio. Estas fundamenta rajto de ĉiu infano havi familion, kiu protektas, amas kaj respektas ĝin.