Ni estas unu
En la Semejo de Bona Volo ni kultivas la dian parton, kiu ekzistas en ĉiuj homoj, atendantan vekiĝon por fariĝi efika sur la vojo de la propra evoluo. Pro tio, ni predikas Ekumenismon de Frataj Sentoj, kiu ĉion transcendas, de tiuj, kiuj deziregas unuiĝi en konstruado de feliĉa estonteco.
Iam la Scienco prezentos komprenon pri tio, kion jam perceptas universalismaj mistikuloj: “Ni estas unu”. Jes, ni estas unu!
Ni estu unuecaj por teni la postvivadon de ĉi tiu turmentata mondo. Ni estu unuecaj por ke la akvo ne fariĝu senrimede malpura. Ni estu unuecaj por ke, kuniĝintaj, ni povu per sciencaj rimedoj malkovri la kuracadon de malsanoj konsiderataj kiel estingitaj, sed kiuj reaperadas, kaj kontraŭ novaj malsanoj aperontaj, konsternontaj multajn homojn kaj suferigontaj tutajn loĝantarojn. Ni estu unuecaj, ĉar eĉ se meze inteligentaj, eĉ se humilaj kaj simplaj, por kompreni, ke ni disponas pri unu sola loĝejo: la Tero.
Ni estu unuecaj ankaŭ por ke ne estingiĝu la marbestoj — laŭ tio, kio estas skribita en la Dua Plago en la Apokalipso de Jesuo, 16:3: “Kaj la dua Anĝelo elverŝis sian pelvon en la maron; kaj fariĝis sango, kiel de mortinto; kaj mortis ĉiu vivanta estaĵo en la maro”. (...)
Per kunaj klopodoj ni tenu esperon, ke ni ankoraŭ povos savi nian planedon.
La Evangelio de Jesuo laŭ Mateo, 26:41, klare rekomendas: “Preĝu kaj viglu”, tio estas, fidu Dion kaj diligente laboru por ke ĉio efektive pliboniĝu.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Croatia
Brazil
Czech Republic
Brazil