Konduki la penson: ĉu flugiloj aŭ mankatenoj?
La popola tradicio instruas, ke “penso estas forto”. Sekve, karaj geamikoj, kiuj legas min atente: ni celu per la menso, ĉiumomente, la plej grandan bonon, tio estas, la Bonon por aliaj homoj kaj por ni. La bonaj konsekvencoj, se ni ĉiam konservos viglecon, estos klaraj, laŭgrade kiel ni sentos nin pli fortaj pro la Dia Aŭtoritateco de Jesuo, kiu neniam malvigliĝis fronte al la suferoj, kaj nin inspiras por venki ilin kun Li.
Andreo Ludoviko kaj Chico Xavier
En la verko En la Kampo de Mediumeco, la Spirito Andreo Ludoviko, per la mediumo Chico Xavier (1910-2002), raportas altvaloran klarigon de spiritgvidanto, koncerne la gravecon de edukado de nia menso, laŭ la ĝusta vojo de la Amo de Dio:
“Ni zorgu pri nia penso, purigante ĝin per senĉesa laborado en bono, por ke ni forĵetu de ni la katenon, kiu nin ligas al mallumaj procesoj de malsupera vivo.
“El la vivanta forĝejo de ideoj eliras flugiloj de anĝeloj kaj mankatenoj de kondamnitoj.
“(...)
“Kredu, miaj geamikoj!...
“Pura, aganta penso estas la forto, kiu nin forprenas el malamo en amon, el doloro en ĝojon, el la Tero en la Ĉielon...
“Ni serĉu la konsciencon de Jesuo por ke nia konscienco reflektu Lian perfektecon kaj belecon!...
“Ni sciu reflekti Lian gloron kaj amon, por ke la ĉiela lumo speguliĝu je la animoj, kiel la suna helo etendiĝas sur la mondon”. (La dikaj literoj estas niaj.)
Tiel estu! Pro tio, en la Religio de Dio, de la Kristo kaj de la Sankta Spirito, ni kultivas la Trioblan Ligiĝon kun Jesuo: Bona Penso, Bona Parolo kaj Bona Agado.
Antoine de Saint-Exupéry
La franca piloto kaj verkisto Antoine de Saint-Exupéry (1900-1944) admonis al ĉiuj, kiuj emis aŭskulti lin: “Vi fariĝas por ĉiam respondeca por tio, kion vi malsovaĝigis”.
Ĉi tiuj vortoj de la aŭtoro de La Eta Princo estas serioza alvoko al senrespondecaj delogantoj.
Fronte al tio, nur frenezulo farus la semadon de malbono, pri kiu li senespere pentos, poste.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Hungary
Brazil
Czech Republic
Switzerland
Congo (Kinshasa)
Brazil