Aritmetiko de detruado

Fonto: Medito de Bona Volo elprenita el la verko “Trezoroj de la Animo”, de Decembro 2017. | Aktualigita en Aprilo 2021.

La aritmetiko de detruado de la naturmedio estas paradoksa: la homaro kreas kaptilojn kontraŭ si mem kaj poste atribuas al la “arbitra povo” de Dio aŭ al la destino la tutmondajn katastrofojn, kiuj okazas. En ni troviĝas la kapablo konservi la vivon.

Jen nia devizo: Eduki. Konservi. Postvivi. Kiel homoj, ankaŭ ni estas Naturo.

P.S. Kompreneble, mi favoras progreson. Sen tio, ni restus en la ŝtonepoko. Tamen, neniu iluziiĝu. La homa progreso okazadas, pli kaj pli, per detruado, pro la freneza avido je akumulado de mono kaj potenco. Ĝi estas la batalado por regado de la planedo, je ia ajn kosto. Kaj ĝi kostadas milionojn da vivoj de valoraj idoj de Dio.

Aritmetiko de postvivado

Estas evidente, ke la homa instinkto al postvivado rekomendas al ni ian progreson ekonomian, solidaran kaj daŭripovan, kiu devas inkluzivi ĉiujn. Ĝi estas aŭdaca celo, kiu postulas ĉies aliĝon.

Se iu homo estas bone edukita kaj klarmensa ekde la naskiĝo, li nepre povas kunlabori. Ni imagu familion. Je la komenco de ĝia formiĝo, la respondeculoj provizas la hejmon, donante nutraĵojn, edukon, vestojn, k.s. al la idoj, nepoj, nevoj, duonfiloj, gefratoj, gekuzoj. Tamen, eĉ infanoj, se ĝuste instruitaj, plenumas signifoplenan servon al la ekonomio de la hejmo. Etaj gestoj, kiel ne lasi ŝaltitan lampon nenecese, aŭ malfermitan kranon dum brosado de la dentoj, signifas grandan diferencon. Por kompreni la bonegan rezulton de tiaj simplaj gestoj, sufiĉas alkalkuli ilin al la tuto da loĝejoj en la mondo. Tiel oni havas bonan iniciaton kaj aliajn miliardojn da aliaj.

Komentu 3

La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.

Nomo *

E-mail *

lando *

Elisabeth Barbay

France

Mi plene konsentas kun la diraĵoj de tiu teksto. Mi tamen, ŝatus aldoni ke endas eduki infanojn en respekto de niaj solaj rimedoj por konservi nian vivejon, la planedo Tero. Tiuj rimedoj estas bonsanaj oceanoj, riveroj, VERAJ arbaroj, montaroj... Pro monavideco, iuj dehakas multe tro da arboj, fiŝkaptas tro grandskale, elverŝas poluaĵojn en riverojn kaj marojn, fosas minejojn por akiri rarajn metalojn a valoregajn materialojn... Nun, eĉ eblas aĉeti la rajton polui ! Sed la tuta mono de tiaj riĉuloj riparas nenion. Ĝi nur pliriĉigas Ŝtatojn kiuj ne agas (aŭ ne sufiĉe) por kompensi la detruaĵojn. Ni iuj bezonas lerni kiel vivi harmonie kun la naturo, kies parto ni estas. Paralele, necesas pli severe puni la poluantojn kaj devigi ilin memripari tion kion ili detruis. Eble tio bremsus la volon de tiuj kiuj deziras riĉiĝi ne respektante la naturon.

Zlatko Hinšt

Croatia

En artikolo „Aritmetiko de detruado“ de Paiva Netto estas akcentita signifo de nia respondeco kaj graveco por nia unika domo, loĝejo kun vivmedio – Tero. Niaj kapabloj por solvi problemojn estas en ni mem kaj nia destino ne estas nur defio kiel ni povas nur turni al Dio. Defioj estas realaj problemoj kiuj el jaro al jaro pliiĝas, kaj ni devas esti decidemaj en batalo por nia daŭripova estonteco. Ne ekzistas reala „arbitra povo“ de Dio, sed ni devas havi ideojn, alirojn kaj sistemojn de sciigoj kaj spertojn kiel eliri el niaj kontraŭdiraj situacioj laŭ rilatoj al naturmedio, inkluzive ĝis niveloj de tutmondaj katastrofoj. Pro tio edukanto Paiva Netto klare mallonge konstatas pri niaj taskoj: Eduki, Konservi, Postvivi. Homo ankaŭ kiel individuo kaj ĝenerale kiel homa genro devas fari ĉion por nia komuna savado kaj travivado. Ni bezonas veran homa(ra)n progreson tutmonde, sendepende de nacieco, raso, religio, ideologio kaj unuopaj valoroj. Kiam ekzistas freneza kaj senfina avido por akumulado de mono tiom multe en fosilaj fontoj de energio, aspiro de reprezentantoj de kapitalo por investi en tiom multe da danĝeraj armiloj, kaj eltiri bonan profiton el tio, mankas prudento kaj respektoj laŭ plimulto da homoj. Mono ne solvas kaj ne solvos ĉi-tiujn problemojn, eĉ jam kreita mono je sama maniero, servas al pli abunda kaj pli granda kreado de mono. Homoj kiuj tiel faras siaj riĉecoj deziras influojn al regado en unuopaj landoj kaj eĉ je globala nivelo de la mondo per granda potenco. Pro tio Paiva Netto rekomendas kiel alternativan agadon al praktiko de ĉi-tiu mondo, regado, ekonomio, politiko, kiel veran „progreson ekonomian, solidaran kaj daŭripovan, kiu devas inkluzivi ĉiujn“. Tio estas aŭdaca celo, kiu ne povas sukcesi sen ĉies aliĝo je nova kaj pli efika agadmaniero. Oni bezonas multe instrui kaj plenumi „signifoplenan servon al la ekonomio de la hejmo.“ Tia agadmaniero inkluzivas ankaŭ „etajn gestojn“ laŭgrade el unu al alia kazo, tempo, lando „signifas grandan diferencon“ je la fino de niaj konkludoj kion ni faris por plibonigo de nia vivo kaj de homaro por unu tempa periodo. Por kompreni efikojn de simplaj gestoj, ni povas alkulkuli tio „al la tuto da loĝejoj en la mondo“. Finfine sekvas konkludo: „Tiel oni havas bonan iniciaton kaj aliajn miliardojn da aliaj.“

Jaroslava

Czech Republic

Se cxiu homo el cxiuj anguloj de Tero respektus la naturprotektadon, la naturo revivigxus. Ni forgesu precipe plastajxojn, ili vere malhelpas.

Pliaj artikoloj

Pli da akvo, malpli da milito

Kiel ni uzis akvon?

Ni ne estas robotoj

Aritmetiko de detruado

Aritmetiko de postvivado

Legu ankaŭ...

Ni ne havas alian fizikan loĝejon, krom la Tero

Komentu 3