Kio mankas, por ke estu Paco en la mondo?
Dietrich de Holbach
Neniam antaŭe la civilizacio atingis tian gradon de teknologio. Kio do mankas, por ke estu Paco? Mankas sublimigi la agadon de progreso per Ekumena Spiriteco, kiu potenciale nin akompanas — ĉu ni scias aŭ ne, ĉu ni volas aŭ ne — ekde antaŭ ol nia naskiĝo, kaj kiun ni devas anonci, kiel kredantoj je Dio. Certe oni komprenu Dion kiel Amon, Veron kaj ankaŭ Justecon, kiu “estas la apogilo por la mondo”, dum “maljusteco, male, estas deveno kaj fonto de ĉiuj katastrofoj, kiuj nin trafas”, laŭ la penso de filozofo Dietrich de Holbach (1723-1789).
Kiel mi skribis en la verko Dialektiko de Bona Volo — Meditadoj kaj Pensoj, lanĉita en la jaro 1987: en la estonteco, kiun ni, prudentaj civiluloj, religiuloj kaj militistoj, esperas, ke ĝi estas proksima, ne plu stariĝos Paco sub la rulmatoj de tankoj aŭ sub la tondrado de kanonoj; sur amasoj da kadavroj aŭ amasoj da vidvinoj kaj orfoj; eĉ ne post grandaj faroj de materia progreso sen Dio. Nome, sen la responda evoluo etika, morala kaj spirituala. La homo ekscios, ke li ne estas nur sekso, stomako kaj intelekto, sub la jugo de tio, kio ŝajnas la sola realaĵo. En li troviĝas eterna Spirito, kiu parolas al li pri aliaj vivoj kaj aliaj mondoj, kiujn li serĉas per Intuicio kaj aŭ per Racio. Nuntempe, ankoraŭ, la paco de homoj estas tiu de lupoj kaj de iuj senprudentaj frenezuloj, kiuj regas popolojn sur la Tero.
Paco, la vera Paco, naskiĝas unue en la pura koro de la homo. Kaj nur Jesuo povas purigi la koron de la Homaro, per forigo de ĉia malamo, ĉar Jesuo estas la Sinjoro de Paco.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.
Finland
Hungary